Greinar

höfundur

Breytingarstjórnun með Sahaja-jóga

„Þú þarft að öðlast hugarró“ hafði læknirin sagt við föður minn, þegar hann kom heim af spítlanum, það mætti draga þá ályktun af þessum fyrirmælum, að orsakasamhengi væri á milli andlegs ástands og heilsufars.

Það er einmit þar sem Sahaja Yoga grípur inn í atburðarásina; Hugarró er ástand sem ekki er sjálfgefið og hefur vafist fyrir flestum, ekki síst ef þeir vilja taka þátt í daglegu lífi samfélagsins.

in-nature-one-goes-absolutelly-thoughtless-shri-mataji-nirmala-deviSahaja Yoga er sérstök hugleiðsluaðferð, þar sem einstaklingurinn getur öðlast hugsanalausa meðvitund eða ástand sem kallst „Turiya“ á sanskrít. Þetta er gert á frekar einfaldan hátt og getur hver sem er tileinkað sér þessa aðferð.

Fyrir 10 árum síðan fór ég á kynningu hjá, Sahaja Yoga á Íslandi eftir að hafa lesið grein í dagblaði. Greinin þótti mér hljóma ótrúlega, eins og gengur. Á kynningunni fékk ég að vita meira um hugleiðsluaðferðina og ákvað að prófa í nokkrar vikur. Ég hef ekki orðið fyrir vonbrigðum, en með ástundun Sahaja Yoga hefur mér tekist að ná betri tökum á lífinu, skilja sjálfan mig betur og á betri samskipti við samborgarana.

Þetta gerist vegna þess að maður er í betra jafnvægi og í tengslum við raunveruleikann sem er hið sama sem að vera í „núinu“ og er víst mjög í tísku í dag. Í framhaldi af bættri andlegri heilsu lagast líka líkamlega heilsan. Sjálfur er ég til dæmis laus við blóðþrýstingsmeðul (í samráði við lækni auðvitað) en einnig hafa vöðvabólga og festumein lagast til mikilla muna, einnig sef ég betur svo eitthvað sé upptalið,þetta er þó nokkuð einstaklingsbundið.

Það getur vafist fyrir fólki að gera breytingar á lífi sínu.Við erum mörg hver föst í óheppilegum venjum, en vanafesta og þrýstingur frá umhverfinu koma í veg fyrir að gerðar séu nauðsynlegar umbætur á lífsstílnum.

Til að breytast þarf að koma sér í betra jafnvægi og finna þannig hvað er manni fyrir bestu. Þar kemur Sahaja Yoga að gagni. Ekki þarf annað en að sitja á stól og fara í hugleiðslu. Allt sem þarf er opinn hugur og smátími. Það sem er sérstakt við sahajayoga hugleiðslu er að maður kemst í vitundarástand þar sem heilinn gefur frá sér svokallaðar theta-bylgjur: Maður er án hugsana og líkaminn verður mjög slakur sem virðist mjög læknandi, bæði andlega og líkamlega.

Þrátt fyrir að Sahaja Yoga snúi að hinu andlega sviði sýna læknisfræðilegar rannsóknir mikinn árangur þeirra sem stunda hugleiðsluna, til dæmis í baráttunni gegn ADHD, þunglyndi, flogaveiki og kvíða. Hægt er að skoða slíkar rannsóknir á vefsíðunni http://www.meditationresearch.co.uk/ en einnig er unnt að fræðast meira um Sahaja Yoga á sahajayoga.is.

Upphafsmaður Sahaja Yoga er Shri Mataji Nirmala Devi og starfar hreyfingin nú í meira en eitt hundrað ríkjum. Hugleiðslan byggist á þekkingu sem upp hefur safnast í aldanna rás fyrir atbeina merkra andlegra leiðtoga en auk þess hafa byltingarkenndar nýjungar verið innleiddar sem ekki er unnt að gera viðhlítandi skil í stuttri blaðagrein.

Allir eru velkomnir á kynningarfundi hjá okkur og leiðbeinendur gefa vinnu sína.

Eftir Daða Guðbjörnsson

Greinin birtist fyrst í Morgunblaðinu. 10. jan 2017

höfundur

Nokkrir kostir þess að iðka Sahaja Yoga

meditating1. Það er auðvelt

Þú þarft ekki að dvelja uppi a fjalli svo árum skiptir til að stunda þessa hugleiðslu. Þú þarft ekki að eyða heilu dögunum í þögn, gefa aleiguna þína eða klæða þig á einhvern sérstakan hátt. Sahaja Yoga er einfaldasta leið til sjálfvitundarvakningar sem þú finnur, og hún á sér stað á sjálfsprottin hátt. Hugleiðsluaðferðin er auðveld, og eins lengi og þú temur þér sjálfsagan til að hugleiða 10 mínútur kvölds og morgna þá mun hugleiðslan verða sífellt friðsælli og sjálfsvitundarvakningin dýpri.

2. Það kostar ekkert og er laust við markaðs- og verslunarhyggju

Þú þarft ekki að borga fyrir Sahaja Yoga. Það er engin meðlimaskrá, það er ekkert skírteini. Það er enginn falinn kostnaður, það er ekkert sem raunverulega hangir á spítunni. Kennslan byggist einfaldlega á löngun annarra iðkenda til að miðla þekkingu Shri Mataji Nirmala Devi áfram til þeirra sem hafa áhuga á að tileinka sér aðferð hennar, gjaldfrjálst. Ef þú missir af sameiginlegri hugleiðslu eina vikuna þá skiptir það engu máli. Þú bara mætir aftur næst þegar þú kemst.

3. Þú finnur áhrifin fjótlega

Þú upplifir ekki aðeins afslöppun og djúpstæð værð færist yfir þig,  þú ferð líka að finna fyrir þínu eigin innra orkukerfi, hvernig hver orkustöð starfar og hvaða áhrif ástand hennar hefur á þig líkamlega, tilfinningalega og andlega. Með aðferðunum sem þú lærir jafnt og þétt ferðu að skilja þetta undirliggjandi kerfi sem er samofið taugakerfi þínu. Ef þér líður illa þá notarðu aðferðirnar sem þú hefur lært til að leiðrétta og hreinsa sýkingar og stíflur í kerfinu, afleiðingin verður bætt andlegt ástand, betri tilfinningaleg líðan og betri líkamleg heilsa.

4. Það skiptir engu hvaða trúarlega bakgrunn þú hefur

Öll stærstu trúarbrögð heimsins og kjarninn í boðskap þeirra eru viðurkennd og borin virðing fyrir þeim í Sahaja Yoga. Þar sem öll trúarbrögð mannkynsins eru aðeins blóm sem sprottið hafa á sama runnanum, og þar með tengjast öll sömu rótinni.  Sahaja Yoga hjálpar okkur einnig að skilja visku og kunna að meta boðskap allra sannleiksríku meistara og dýrlinga mannkynssögunar, líkt og Lao Tse, Búdda, Sókrates, Múhameð, Zaraþústra og margra annarra.

5. Þú ert þinn eigin herra

Þú hugleiðir og gerir sjálfskoðun á þínum eigin hraða. Þú þarft ekki að halda í við hina sem eru í kringum þig eða finnast þú undir þrýstingi til að gera eitthvað sem þér finnst óþægilegt. Þú ert á þínu eigin ferðalagi og markmiðið er að þú verðir þinn eigin kennari, þinn eigin gúrú, þinn eigin meistari. Þessi hugleiðsluaðferð er til að styrkja þig og hjálpa þér að hjálpa sjálfum/sjálfri þér. Þú þarft ekki að treysta á nokkurn annan. En auðvitað er líka fullt af fólki sem stundar Sahaja hugleiðslu sem er tilbúið að leiðbeina þér þegar kemur að hugleiðslunni og hinum ýmsu aðferðum sem eru hluti af henni. En þegar upp er staðið þá er það aðeins sá máttur sem býr innra með þér sjálfum/sjálfri sem þú þarfnast.

6. Það er allstaðar

Sahaja Yoga er stundað í nánast öllum löndum heimsins. Þannig hvert sem þú ert að ferðast þá geturðu alltaf fundið Sahaja Yoga miðstöð  þar sem þú getur mætt á hugleiðslufund. Hvenær sem þú færð tækifæri til, hvar sem þú ert, reyndu að komast í samband við aðra sem stunda Sahaja Yoga og komast í sameiginlega hugleiðslu (að hugleiða með öðrum er mun dýpri og kröftugri upplifun heldur en að hugleiða einn).

7. Það er opið öllum

Það er engin einsleit grúppa af fólki sem stundar Sahaja Yoga. Þegar við uppgötvum nýtt áhugamál eða gerumst hluti af nýjum hópi fólks þá uppgötvum við oft að fólkið í kringum okkur er allt af ákveðinni sort. Sumir hópar virðast laða að sér einvörðungu yngra fólk en aðrir eldra fólk, aðrir hópar virðast bara fyrir fólk sem er efnamikið eða býr í ákveðnum hluta bæjarins. Í Sahaja Yoga finnurðu fólk sem kemur frá öllum hliðum lífsins og stéttum samfélagsins – karlmenn og kvenmenn, ríkir og fátækir, menntaðir, ómenntaðir, á öllum aldri og af öllum líkamsgerðum.

8. Þér líður betur

Sama hvað gerist, í hvert sinn sem þú sest niður og hugleiðir þá líður þér betur, hvort sem þér tekst að komast i djúpa hugleiðslu eða ekki, breytir litlu, en afleiðing þessa er einnig að vinir og fjölskylda fara einnig að finna áhrifin.

höfundur

Hugleiðsla?

Hugleiðsla er orð sem hefur verið skilgreint og túlkað á marga mismunandi vegu, í dag getur orðið hugleiðsla átt við allt frá því að sitja í djúpum þönkum yfir ákveðnum hugmyndum til þess að sitja í þögn með lokuð  augu og einbeitta athygli. Það fer einfaldlega eftir þvi hvern þú spyrð.

Hugleiðsla, samkvæmt skilgreiningu Sahaja Yoga, byggist á því sem við köllum sjálfsvitundarvakning, þar er innri andlegi máttur einstaklingsins vakin upp af dvala sínum í þeim tilgangi að hjálpa honum að öðlast vitundarástand sem við köllum „hugsanalaus meðvitund“. Í slíku ástandi starfar athygli okkar hrein og ótrufluð af tilgangslausum straumi hugsana, en á sama tíma erum við fullkomlega meðvituð um allt sem fer fram í kringum okkur.

Ástundun Sahaja Yoga er einföld og getur verið framkvæmd heima, á skrifstofunni eða á kaffistofunni á verkstæðinu. Hún getur verið framvæmd í einrúmi eða í hópi fólks. Stofnandinn, Shri Mataji Nirmala Devi, lagði áherslu á það að ekki væri nauðsynlegt að afneita mannlegu samfélagi til að öðlast andlega reynslu eða uppljómum. Líkt og áður sagði, þá byggist aðferðin á því að vakinn er upp þessi máttur sem býr innra með hverjum og einum. Seinna veltur það svo á einstaklingnum sjálfum að tileinka sér aðferðina og rækta vakningu sína gegnum hugleiðsluna. Niðurstaðan verður áreynslulaus hugleiðsla (hugsanalaus meðvitund) frekar en þvinguð einbeitning eða huglæg æfing í núvitund.

 

Rannsóknir sem gerðar hafa verið í Ástralíu og Indlandi sýna einnig fram á að sjálfslæknandi eiginleikar líkamans virkjast þegar einstaklingurinn kemst í ástand hugsanalausrar meðvitundar, en ekki þegar einstaklingurinn einfaldlega notast við slökunaraðferðir líkt og djúpöndun eða „sjónsköpun“ (visualization).

Slökunaraðferðir eru áhrifaríkar þegar kemur að því að losna við streitu en hafa ekki geta sýnt fram á mælanlegar heilsufarsleg áhrif, á meðan Sahaja Yoga hugleiðsla hefur aftur á móti gert það. [1]

Sahaja Yoga hugleiðslumiðstöðvar hafa verið stofnaðar víðsvegar um heiminn þar sem þessi aðferð sem Shri Mataji kynnti fyrir heiminum er kennd gjaldfrjálst.

Tilvísanir

[1] Dr. Rames Manocha 'Does Meditation have a specific effect?: 
A Systematic Experimental Evaluation of a Mental Silence Orientated
Definition' (University of NSW, Australia 2008); rafbók: Silence Your Mind 
Útgefandi: Hachette Australia 2013