Kynningarfundir eru fyrsta og þriðja hvern mánudag í mánuði

shri-mataji-high-res1

Í Sahaja Yoga er kundalini orkan vakin í fólki með aðferð sem Shri Mataji Nirmala Devi hefur kennt.  Með kundalini vakningu kemst fólk í vitundarástand án hugsana (Nirvichara Samadhi). Með ástundun Sahaja Yoga finnur fólk guðdómlegan frið innra með sér.  Iðkendum fer fljótlega að líða betur andlega, en smám saman fer fólk að sjá sig sjálft í nýju ljósi og hvernig það raunverulega er.  Það er kallað sjálfsvitundarvakning. Megin tilgangur okkar sem stundum Sahaja Yoga er að þroskast andlega en með auknu jafnvægi er hægt að ná betri andlegri og líkamlegri heilsu. Sahaja Yoga er ókeypis og unnið af Sahaja Yoga iðkendum í sjálfboðavinnu.

Innra orkukerfið (e. Subtle System)

Taugakerfið (e. autonomous nervous system) er staðsett í hryggnum og skiptist í þrjár orkurásir (skt. nadis). Vinstri og hægri orkurásin tilheyra úttaugakerfinu (e. sympathetic nervous system) sem við notum fyrir meðvitaða líkamlega, vitsmunalega og tilfinningalega virkni. Miðju orkurásin er í miðtaugakerfinu (e. parasympathetic nervous system) sem hefur umsjón með ósjálfráðri virkni líkamans eins og öndun, hjartslætti og öðrum ósjálfráðum viðbrögðum líkamans. Net þessa kerfis tilheyrir innri orkurásunum. Orkurásirnar tengja saman orkustöðvarnar til að leyfa þeim samhæft samspil og búa til leið fyrir lífsorkuna að streyma eftir.

Alþjóðlegur dagur innri friðar

Kveikjan að þessu verkefni kemur frá mörgum mismunandi heimsdögum sem hafa verið haldnir undanfarin ár, af ýmsum stofnunum. Markmið er að koma göfugum fyrirætlunum þessara atburða á nýtt stig. Það að upplifa hugleiðslu. Við teljum að það sé kominn tími til að raunverulega upplifa þessa vídd sem kalla má innri frið, sem mun þróa í okkur hina jákvæðu eiginleika eins og skilning og umburðarlyndi, einum af öðrum.

http://www.innerpeaceday.com/

Við bjóðum upp á ókeypis hugleiðslu

Á hverjum mánudegi kl. 20.00 er boðið upp á ókeypis jóga hugleiðslu. Byrjendur er velkomnir fyrsta og þriðja hvern mánudag í hverjum mánuði. Upplifðu kundalini vakningu. Njótu þess að fá nátturulega sjálfsvitundarvakningu. Komdu þér í hugsunarlausa meðvitund. Komdu þér í fullkomið jafnvægi á nátturulegan hátt. Vertu þinn eigin meistari.

Sahaja jóga hugleiðsla bætir heilsuna

Í þessu myndskeiði fer prófesor Katya Rubia yfir þær rannsóknir sem gerðar hafa verið tengdar Sahaja jóga og heilsu. Vísindamenn hafa sýnt fram á að Sahaja jóga er til þess fallið að hjálpa fólki með sjúkdóma á borð við kvíða og þunglyndi, flogaveiki, Asma, ADHD og eiturlyfjamisnotkun. Einnig kemur fram að þeir sem stunda Sahaja jóga hugleiðslu ná að viðhalda betra andlegu og líkamlegu jafnvægi eftir streituvaldandi atburð en aðrir sem ekki stunduðu þessa tegund af hugleiðslu.